ഖത്തറിൽ വരും ദിവസങ്ങളിൽ മഴയ്ക്ക് സാധ്യതയെന്ന് കാലാവസ്ഥാ വകുപ്പ്

ഖത്തറിൽ വരും ദിവസങ്ങളിൽ മഴയ്ക്ക് സാധ്യതയുണ്ടെന്ന് ഏറ്റവും പുതിയ കാലാവസ്ഥാ പ്രവചനത്തിലൂടെ ക്യുഎംഡി വ്യക്തമാക്കി.

കാലാവസ്ഥ ഭാഗികമായി മേഘാവൃതമായിരിക്കുമെന്നും ബുധൻ, വ്യാഴം, വെള്ളി ദിവസങ്ങളിൽ ചെറിയ തോതിൽ മഴക്ക് സാധ്യതയുണ്ടെന്നും ഖത്തർ കാലാവസ്ഥാ വകുപ്പ് (ക്യുഎംഡി) അറിയിച്ചു. ഈ ദിവസങ്ങളിൽ ചിലയിടങ്ങളിൽ ഇടിമിന്നലുമുണ്ടായേക്കാം.

ഈ ആഴ്‌ചയിൽ ശക്തമായ കാറ്റിനും ഉയർന്ന കടലിനും സാധ്യതയുണ്ടെന്ന മുന്നറിയിപ്പും ഡിപ്പാർട്ട്‌മെൻ്റ് അടുത്തിടെ പ്രഖ്യാപിച്ചിരുന്നു. കടൽ തിരമാലകൾ 2-7 അടി ഉയരത്തിലും, ചിലപ്പോൾ 10 അടി വരെയും ഉയരുമെന്ന് പ്രതീക്ഷിക്കുന്നു. ഈ കാലയളവിൽ കടലിലെ പ്രവർത്തനങ്ങൾ ഒഴിവാക്കാനും ക്യുഎംഡി പറഞ്ഞു.