ബൈജു രവീന്ദ്രനെതിരെ ഖത്തർ ഇൻവെസ്റ്റ്മെന്റ് അതോറിറ്റി കോടതിയിൽ

സാമ്പത്തിക ആഘാതം നേരിടുന്ന എഡ്യൂടെക് സ്റ്റാർട്ടപ്പായ ബൈജൂസിന്റെ സ്ഥാപകൻ ബൈജു രവീന്ദ്രന്റെ സ്വകാര്യ സ്വത്തുക്കളുടെ വെളിപ്പെടുത്തൽ ആവശ്യപ്പെട്ട് ഖത്തറിന്റെ പരമാധികാര സാമ്പത്തിക ഫണ്ടായ ഖത്തർ ഇന്വെസ്റ്റമെന്റ് അതോറിറ്റി കർണാടക ഹൈക്കോടതിയെ സമീപിച്ചു. ഇന്ത്യയിലെ ഏറ്റവും വലിയ വിദേശ നിക്ഷേപകരിൽ ഒന്നുമാണ് ഖത്തർ ഇൻവെസ്റ്റ്‌മെൻ്റ് അതോറിറ്റി അഥവാ ക്യുഐഎ.

രവീന്ദ്രൻ്റെ സ്വത്തുക്കൾ വിൽക്കുന്നതോ പണയം വയ്ക്കുന്നതോ കൈമാറ്റം ചെയ്യുന്നതോ തടയണമെന്ന് അതോറിറ്റി കർണാടക ഹൈക്കോടതിയോട് ആവശ്യപ്പെട്ടു. സ്ഥാപകന്റെ സ്വത്തുവിവരങ്ങൾ ആവശ്യപ്പെട്ട് ഷെയർഹോൾഡർ കോടതിയെ സമീപിക്കുന്നത് അപൂർവ സംഭവങ്ങളിൽ ഒന്നാണ്.

റിപ്പോർട്ടുകൾ പ്രകാരം, രവീന്ദ്രൻ്റെ സ്വകാര്യ സ്വത്ത് 235.19 മില്യൺ ഡോളർ വരെയാണ് എന്നാണ് കണ്ടെത്തൽ. 

QIA നൽകിയ ഹരജിയിൽ, “ഒന്നാം പ്രതി ബൈജു രവീന്ദ്രൻ, അയാളുടെ ഏജൻ്റുമാർ, അസൈൻമാർ എന്നിവരുൾപ്പെടെയുള്ളവരെ, ഏതെങ്കിലും വിധത്തിൽ സ്വത്തിൽ ഇടപെടൽ, വേർപിരിയൽ, വിൽക്കൽ, പണം ഈടാക്കൽ, പണയം വയ്ക്കൽ, കൈമാറ്റം ചെയ്യുക, വിനിയോഗിക്കുക, അന്യവൽക്കരിക്കുക, അല്ലെങ്കിൽ അവരുടെ ഏതെങ്കിലും സ്വത്തുക്കളിൽ ഏതെങ്കിലും വിധത്തിൽ അവകാശം, ശീർഷകം താൽപ്പര്യം ഇവ സൃഷ്ടിക്കുക എന്നിവയിൽ നിന്ന് 1996 ലെ ആർബിട്രേഷൻ ആൻഡ് കൺസിലിയേഷൻ ആക്ടിലെ സെക്ഷൻ 9 പ്രകാരം തടയാൻ,” ആവശ്യപ്പെടുന്നു.

2022 മുതൽ QIA ബൈജൂസിൽ നിക്ഷേപകരാണ്. 2024 ജനുവരിയിൽ, അവകാശ വാഗ്ദാനത്തിലൂടെ 25 മില്യൺ ഡോളർ പ്രിമണി വാല്യൂവേഷനിൽ 200 മില്യൺ ഡോളർ സമാഹരിക്കാനുള്ള പദ്ധതി ബൈജൂസ് പ്രഖ്യാപിച്ചു.  കമ്പനിയിൽ കൂടുതൽ നിക്ഷേപം നടത്തുന്നില്ലെങ്കിൽ ഇത് ക്യുഐഎ ഉൾപ്പെടെയുള്ള എല്ലാ ഷെയർഹോൾഡർമാരെയും പൂജ്യത്തിനടുത്തെത്തിക്കും എന്ന സ്ഥിതിവിശേഷമുണ്ടായി.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5