2022 ലെ ലോകകപ്പിനും 2023 ലെ ഏഷ്യൻ കപ്പിനും ആതിഥേയത്വം വഹിച്ചതിന് ശേഷം ഫിഫയിലും ഫുട്ബോൾ കായികരംഗത്തും തുടർന്നും സ്വാധീനം ഉറപ്പാക്കി ഖത്തർ.
വ്യാഴാഴ്ച വന്ന ഫിഫയുടെ അറിയിപ്പ് അനുസരിച്ച്, 2025 മുതൽ 2029 വരെയുള്ള ആൺകുട്ടികളുടെ അണ്ടർ 17 ലോകകപ്പിൻ്റെ അടുത്ത അഞ്ച് എഡിഷനുകൾക്ക് ഖത്തർ ആതിഥേയത്വം വഹിക്കും. അതേ കാലയളവിൽ പെൺകുട്ടികളുടെ അണ്ടർ 17 ലോകകപ്പിന് മൊറോക്കോയും ആതിഥേയത്വം വഹിക്കും.
രണ്ട് യൂത്ത് ടൂർണമെൻ്റുകളും അടുത്ത വർഷം മുതൽ വർഷം തോറും നടത്തും. ആൺകുട്ടികളുടെ ഇവൻ്റ് 24 ൽ നിന്ന് 48 ടീമുകളായി വിപുലീകരിക്കും. പങ്കെടുക്കുന്ന പെൺകുട്ടികളുടെ ടീമുകളുടെ എണ്ണവും 16 ൽ നിന്ന് 24 ആയി വർദ്ധിപ്പിക്കും, ഫിഫ വ്യക്തമാക്കി.
ടൂർണമെൻ്റിൻ്റെ കാര്യക്ഷമതയ്ക്കും സുസ്ഥിരതയ്ക്കും വേണ്ടി നിലവിലുള്ള ഫുട്ബോൾ അടിസ്ഥാന സൗകര്യങ്ങൾ ഉപയോഗിക്കാനുള്ള കഴിവിനെ കേന്ദ്രീകരിച്ചാണ്, ഒന്നിലധികം പതിപ്പുകൾക്കായി ഒരൊറ്റ ആതിഥേയ രാജ്യത്തെ തിരഞ്ഞെടുത്തതെന്ന് ഫിഫ പറഞ്ഞു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
-
-
-
-
