ദോഹ, ലുസൈൽ, അൽ വക്ര എന്നിവയുൾപ്പെടെ ഖത്തറിലെ പ്രധാന നഗരങ്ങളിലെ റെസിഡൻഷ്യൽ ഏരിയകളിലെ അപ്പാർട്ട്‌മെന്റുകളുടെയും വില്ലകളുടെയും വാടക ലോകകപ്പിന് മുന്നോടിയായി കുതിച്ചുയർന്നത് ഏവർക്കും അറിയാവുന്ന കാര്യമാണ്. എന്നാൽ ടൂർണമെന്റിന് ശേഷം ഇത് കുറയുമെന്ന് പ്രതീക്ഷിച്ചിരുന്നെങ്കിലും മാറ്റമൊന്നും ഉണ്ടാകുന്നില്ല എന്നത് ഖത്തർ നിവാസികളെ തെല്ലൊന്നുമല്ല നിരാശപ്പെടുത്തുന്നത്.
ഗ്ലോബൽ പ്രോപ്പർട്ടി ഗൈഡിന്റെ ഏറ്റവും പുതിയ കണക്കുകൾ പ്രകാരം, മിഡിൽ ഈസ്റ്റിൽ രണ്ട് ബെഡ്‌റൂം അപ്പാർട്ട്‌മെന്റുകളുടെ ഏറ്റവും ഉയർന്ന ശരാശരി പ്രതിമാസ വാടകയുള്ളത് ഖത്തറിലാണ്. മാസാടിസ്ഥാനത്തിൽ ശരാശരി 3,742 ഡോളർ (QR13,625) വാടകയുമായി ഖത്തർ പട്ടികയിൽ ഒന്നാം സ്ഥാനത്തും 2,208 ഡോളറുമായി യുഎഇ (QR8,043) രണ്ടാം സ്ഥാനത്തുമാണ്. ഇവർ തമ്മിൽ 1,534 ഡോളറിന്റെ (QR5,582) വൻ വ്യത്യാസം ഉണ്ടെന്നതും ശ്രദ്ധേയമാണ്.
ലോകകപ്പ് കാലയളവ് മുതലുള്ള സ്ഥിരമായ നിരക്കുകൾ രാജ്യത്തെ ഭൂരിഭാഗം താമസക്കാരെയും ബാധിച്ചു. ഇത് കടുത്ത പ്രതിസന്ധിയിലേക്ക് നയിക്കുകയും കരാർ അവസാനിക്കുന്നതിന് മുമ്പ് നിലവിലെ അപ്പാർട്ട്‌മെന്റുകൾ ഉപേക്ഷിക്കാൻ പലരേയും നിർബന്ധിക്കുകയും ചെയ്യുന്നു.
മുൻ വർഷങ്ങളിൽ ഇടപാടുകളുടെ അളവ് 36 ശതമാനം വർദ്ധിച്ചതിനാൽ നിരവധി ഘടകങ്ങൾ വാടക വിപണിയെ ബാധിച്ചു. 2021-ന്റെ മൂന്നാം പാദത്തിൽ, മുഐതർ, അൽ വക്ര, അൽ ഖോർ എന്നിവ വിപണിയിലെ ഏറ്റവും ഉയർന്ന ഇടപാടുകൾ രേഖപ്പെടുത്തി.
റിയൽ എസ്റ്റേറ്റ് നിരീക്ഷകരിൽ ചിലർ ഈ വർഷം പകുതിയോടെ വില കുറയുമെന്ന് വിശ്വസിക്കുന്നുണ്ടെങ്കിലും, വാടക വർദ്ധനയുടെ പ്രാഥമിക കാരണം റിയൽ എസ്റ്റേറ്റ് നിക്ഷേപങ്ങളും ഇതിൽ നിന്നുള്ള നേട്ടങ്ങളുമാണെന്ന് ഖത്തർ മാധ്യമമായ ദി പെനിൻസുല നടത്തിയ സർവേ വിശദമാക്കുന്നു.
2022 ന് തുടർച്ചയായി 2023-ലും എക്സ്പോയും ഏഷ്യൻ കപ്പ് ഫുട്‌ബോളും ഉൾപ്പെടെയുള്ള ധാരാളം ഗ്ലോബൽ ഇവന്റുകൾക്ക് ഖത്തർ ആതിഥേയത്വം വഹിക്കുന്നുണ്ട്. ഈ കാലയളവിലും ധാരാളം സന്ദർശകരെയും വിനോദസഞ്ചാരികളെയും രാജ്യം പ്രതീക്ഷിക്കുന്നു. ഇതിനാലും വാടക ഇതേ നിലയിൽ തുടരുമെന്ന് മാർക്കറ്റ് വിദഗ്ദ്ധർ അറിയിക്കുന്നു.
മാത്രമല്ല ലോകകപ്പ് സമയത്ത് സർക്കാർ ധാരാളം താൽക്കാലിക താമസ സൗകര്യങ്ങൾ ഒരുക്കി റെഗുലർ കെട്ടിടങ്ങൾ അധികരിക്കുന്നത് തടഞ്ഞിരുന്നു. ഇതും ലോകകപ്പാനന്തരം ഡിമാന്റ് നിലനിർത്തുകയോ വർധിക്കാൻ ഇടയാക്കുകയോ ചെയ്യുകയും വിലയിൽ സ്ഥിരത തുടരാൻ കാരണമാവുകയും ചെയ്തു.
എണ്ണ, വാതക വ്യവസായം വളർച്ചയുടെ പാതയിൽ തന്നെയാണ്. ഇത് ധാരാളം തൊഴിലവസരങ്ങളും ഉയർന്ന ജീവിത നിലവാരവും സൃഷ്ടിക്കുന്നതിനാൽ, നിരവധി വ്യക്തികൾ ഖത്തറിൽ ജോലി ചെയ്യാനും താമസിക്കാനും തിരഞ്ഞെടുക്കുന്നു. ഈ വർഷം ഉടൻ നടക്കാനിരിക്കുന്ന എക്‌സ്‌പോ ഇവന്റും പഴയ ദോഹയുടെ നവീകരണവും ഇതിന് ആക്കം കൂട്ടും.
ഇവയും മറ്റ് ഘടകങ്ങളും ചേർന്ന് ഖത്തറിന്റെ സമ്പദ്‌വ്യവസ്ഥയെ ഉത്തേജിപ്പിക്കുന്നതിനാൽ, റെസിഡൻഷ്യൽ ലീസിംഗ് മാർക്കറ്റിനുള്ളിലെ വിലനിർണ്ണയത്തിൽ ലോകകപ്പിന് ശേഷം പ്രതീക്ഷിച്ചിരുന്ന ഇടിവ് ശരിക്കും സംഭവിക്കില്ലെന്ന് തന്നെയാണ് വിദഗ്ധരുടെ പ്രവചനം. എങ്കിലും ഈ വർഷം പകുതിയോടെ വാടകയിൽ കുറവുണ്ടാകും എന്നു പ്രതീക്ഷിക്കുന്നവരും കുറവല്ല.
“ലുസൈലിൽ 20 മുതൽ 30 ശതമാനം വരെ ഇടിവ് ഞങ്ങൾ ശ്രദ്ധിച്ചിട്ടുണ്ട്, അതേസമയം ദി പേളിന്റെ വിലകൾ കുറയുന്നുണ്ടെങ്കിലും സമാനമായ കുത്തനെ ഇടിവ് അനുഭവപ്പെട്ടിട്ടില്ല. എന്നിരുന്നാലും, പണപ്പെരുപ്പത്തിനെതിരെ പോരാടുന്നതിന് ലോകമെമ്പാടുമുള്ള സെൻട്രൽ ബാങ്കുകൾ പലിശനിരക്ക് ഉയർത്തുന്നതിനാൽ, വീട് വാങ്ങുന്നവർക്ക് മോർട്ട്ഗേജുകൾ നൽകുന്നതിന് കൂടുതൽ ചെലവേറിയതിനാൽ ഈ വർഷം വിലയിൽ കൂടുതൽ ഇടിവ് ഞങ്ങൾ പ്രതീക്ഷിക്കുന്നു,” BLK Oryx റിയൽ എസ്റ്റേറ്റിലെ ഒരു ഉദ്യോഗസ്ഥൻ പറഞ്ഞു.
അതേസമയം, വില്ല കെട്ടിടങ്ങൾ വിഭജിച്ച് നിരവധി കുടുംബങ്ങൾക്ക് നൽകുന്ന വ്യാപകമായി രീതി മിതമായ നിരക്കിൽ താമസസൗകര്യം കണ്ടെത്താൻ തങ്ങളെ സഹായിക്കുന്നുവെന്ന് ചില താമസക്കാർ വിശ്വസിക്കുന്നു. എന്നാൽ ഇത് വാസ്തവത്തിൽ ഒരു കെട്ടിടത്തിലെ വൈദ്യുതിയും വെള്ളവും മറ്റു സൗകര്യങ്ങളും അമിതമായി ഉപയോഗിച്ച് താമസക്കാരെ അപകടത്തിലാക്കുന്നു. ഇതാണ് വില്ല വിഭജനം നിരോധിക്കാനും അത്തരം പ്രവർത്തനങ്ങളിൽ ഏർപ്പെട്ടിരിക്കുന്ന ആളുകൾക്ക് പിഴ ചുമത്താനും മുനിസിപ്പാലിറ്റി മന്ത്രാലയത്തെ പ്രേരിപ്പിക്കുന്നത്.
റെസിഡൻഷ്യൽ റെന്റൽ ബിസിനസിൽ ഏർപ്പെട്ടിരിക്കുന്ന കമ്പനികളും വ്യക്തികളും യാതൊരു മേൽനോട്ടവും നിയന്ത്രണവുമില്ലാതെയാണ് പ്രവർത്തിക്കുന്നത്, പലരും വാടകക്കാരോട് സെക്യൂരിറ്റി ഡെപ്പോസിറ്റും ഒരു മാസത്തെ വാടക കമ്മീഷനും കൂടാതെ 12 പോസ്റ്റ്-ഡേറ്റഡ് ചെക്കുകളും ഒരു ഗ്യാരണ്ടിയായി നൽകണമെന്ന് ആവശ്യപ്പെടുന്നതായും പെനിൻസുല റിപ്പോർട്ട് കണ്ടെത്തി.
റെസിഡൻഷ്യൽ റെന്റൽ ബിസിനസ്സ് നിയന്ത്രിക്കുന്ന ആളുകൾക്കും സബ് കോണ്ട്രാക്ടർമാർക്കും ആവശ്യമായ ലൈസൻസ് ഇല്ല. ഫലപ്രദമായ പരാതി പരിഹാര സംവിധാനം ഉപയോഗിച്ച് ഈ മേഖലയ്ക്ക് സർക്കാർ മേൽനോട്ടവും നിയന്ത്രണങ്ങളും വർദ്ധിപ്പിക്കണമെന്നും ഈ വസ്തുതകൾ ചൂണ്ടിക്കാട്ടുന്നു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/ETZibLnOU6HDxQYluvP8Yi
-
-
-
-
