ഈദ് അൽ ഫിത്തറിന് മുന്നോടിയായി ഗസയിൽ വെടിനിർത്തലിന് ഖത്തറിന്റെ നേതൃത്വത്തിൽ പ്രാദേശികവും അന്തർദേശീയവുമായ അചഞ്ചലമായ ശ്രമങ്ങൾ നടക്കുന്നുണ്ടെന്ന് വിദേശകാര്യ മന്ത്രാലയത്തിൻ്റെ ഔദ്യോഗിക വക്താവ് ഡോ. മജീദ് ബിൻ മുഹമ്മദ് അൽ അൻസാരി പറഞ്ഞു.
വിശുദ്ധ റമദാൻ മാസത്തിന് മുമ്പായി യുദ്ധം അവസാനിപ്പിക്കാൻ ഇടയാക്കുന്ന ഒരു സന്ധിയിൽ എത്താൻ സാധിക്കാത്തതിൽ ഖേദം പ്രകടിപ്പിക്കുന്നതായി വിദേശകാര്യ മന്ത്രാലയത്തിൻ്റെ പ്രതിവാര മാധ്യമ സമ്മേളനത്തിൽ ഡോ. അൽ അൻസാരി പറഞ്ഞു.
ഖത്തറിൻ്റെ ശ്രമങ്ങളും ബന്ധപ്പെട്ട എല്ലാ കക്ഷികളുമായുള്ള ബന്ധവും നിലനിൽക്കുമെന്ന് ഡോ. അൽ അൻസാരി പറഞ്ഞു. എന്നിട്ടും, ഗ്രൗണ്ടിലെ സാഹചര്യം വളരെ സങ്കീർണ്ണമാണെന്ന് അദ്ദേഹം വിശദീകരിച്ചു.
ഒരു ഭാഗത്തുനിന്നും സമ്മർദ്ദം ചെലുത്താതെയാണ് ഖത്തർ തങ്ങളുടെ കാഴ്ചപ്പാടുകൾ ആശയവിനിമയം നടത്തുന്നത്. വെടിനിർത്തൽ പ്രവർത്തനങ്ങളിൽ ക്രിയാത്മകമായും ഫലപ്രദമായും ഏർപ്പെടുന്നതും, സത്യസന്ധമായ മധ്യസ്ഥൻ എന്ന നിലയിൽ ഇരു കക്ഷികളെയും ഒരു കരാറിന് പ്രേരിപ്പിക്കാനാണ് തങ്ങൾ ശ്രമിക്കുന്നതെന്നും അദ്ദേഹം കൂട്ടിച്ചേർത്തു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
