ഇസ്രയേൽ മന്ത്രിയുടെ പരാമർശം യുദ്ധക്കുറ്റത്തിലേക്കുള്ള പ്രേരണയെന്ന് ഖത്തർ

Picture representation only

ഫലസ്തീനിലെ ഹവാര നഗരം തുടച്ചുനീക്കണമെന്ന ഇസ്രായേൽ ധനമന്ത്രിയുടെ ആഹ്വാനത്തെ ഖത്തർ ഭരണകൂടം ശക്തമായ ഭാഷയിൽ അപലപിച്ചു. ഇത് യുദ്ധ കുറ്റത്തിലേക്കുള്ള ഗുരുതരമായ പ്രേരണയായി കണക്കാക്കുന്നതായും വിദേശകാര്യ മന്ത്രാലയം പ്രസ്താവനയിൽ പറഞ്ഞു.

അധിനിവേശ ഫലസ്തീൻ പ്രദേശങ്ങളിൽ ഇസ്രായേൽ ഗവൺമെന്റ് സ്വീകരിക്കുന്ന വർദ്ധന നയത്തിന്റെ വിപുലീകരണത്തെയാണ് വിദ്വേഷകരവും പ്രകോപനപരവുമായ ഈ ആഹ്വാനം പ്രതിനിധീകരിക്കുന്നതെന്ന് മന്ത്രാലയം ചൂണ്ടിക്കാട്ടി.

ഈ സാഹചര്യത്തിൽ, ഫലസ്തീൻ ജനതയ്‌ക്കെതിരെയും അവരുടെ ഇസ്‌ലാമിക, ക്രിസ്ത്യൻ ദേശങ്ങൾക്കും വിശുദ്ധികൾക്കും എതിരായ ഈ നയത്തിന്റെ ഫലമായുണ്ടാകുന്ന അക്രമത്തിന്റെ ഉത്തരവാദിത്തം ഇസ്രായേൽ അധിനിവേശ അധികാരികൾക്ക് മാത്രമായിരിക്കുമെന്നു മന്ത്രാലയം ആരോപിച്ചു.

നിയമലംഘനങ്ങൾ തടയുന്നതിനും നിലവിലുള്ള സംരക്ഷണ സംവിധാനങ്ങൾ വിപുലീകരിക്കുകയും സജീവമാക്കുകയും ചെയ്യുന്നതുൾപ്പെടെ പലസ്തീൻ ജനതയെ സംരക്ഷിക്കാൻ അന്താരാഷ്ട്ര സമൂഹം അടിയന്തരമായി ഇടപെടേണ്ടതിന്റെ ആവശ്യകത മന്ത്രാലയം ആവർത്തിച്ചു.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ