വിശുദ്ധ റമദാനിൽ ഓൾഡ് ദോഹ പോർട്ട് നിരവധി പരിപാടികൾക്ക് ആതിഥേയത്വം വഹിക്കും. ഈ പരിപാടികളിൽ റമദാൻ കാനൻ, ത്രോബാക്ക് ഫുഡ് ഫെസ്റ്റിവൽ, മുസഹർ അൽ മിനയുടെ നൈറ്റി വാക്ക്‌സ്, ട്രഡീഷണൽ ഗരങ്കാവോ നൈറ്റ് എന്നിവ ഉൾപ്പെടുന്നു. റമദാൻ പാരമ്പര്യങ്ങൾ തിരികെ കൊണ്ടുവരികയും എല്ലാവർക്കും രസകരമായ നിരവധി പ്രവർത്തനങ്ങൾ വാഗ്ദാനം ചെയ്യുകയും ചെയ്യുക എന്നതാണ് ലക്ഷ്യം.
ഇഫ്‌താർ സമയം (നോമ്പ് തുറക്കുന്ന സമയം) പ്രഖ്യാപിക്കുന്നതിനായി ഈ മാസത്തിൻ്റെ പ്രധാന പ്രതീകമായ റമദാൻ കാനൻ എല്ലാ ദിവസവും കണ്ടെയ്‌നേഴ്‌സ് യാർഡിലെ മിന പാർക്കിൽ നിന്നും വെടിയുതിർക്കും.
ഖത്തർ ടൂറിസത്തിൻ്റെ പങ്കാളിത്തത്തോടെ ത്രോബാക്ക് ഫുഡ് ഫെസ്റ്റിവൽ ഓൾഡ് ദോഹ പോർട്ടിൽ ആരംഭിക്കും. ഇതിൽ പ്രാദേശിക റെസ്റ്റോറൻ്റുകളുടെയും കഫേകളുടെയും പ്രത്യേക സെലക്ഷനുണ്ടാകും, ഇത് റമദാൻ മാസം മുഴുവൻ കണ്ടെയ്‌നേഴ്‌സ് യാർഡിൽ പ്രവർത്തിക്കും.
രാത്രിയിൽ, സുഹൂർ സമയത്തെക്കുറിച്ച് (പ്രഭാതത്തിന് മുമ്പുള്ള ഭക്ഷണം) സന്ദർശകരെ ഓർമ്മിപ്പിക്കുന്നതിനായി മുസാഹർ അൽ മിന പഴയ ദോഹ തുറമുഖത്തിന് ചുറ്റും റോന്തു ചുറ്റും. പരമ്പരാഗത വസ്ത്രങ്ങൾ ധരിച്ചുകൊണ്ട് മുസഹർ റമദാനിലുടനീളം ഇത് തുടരും.
മൂന്നാമത് “എക്‌ബെസ്” ബീച്ച് വോളിബോൾ ചാമ്പ്യൻഷിപ്പിന് മുഖ്യ പ്രായോജകരായി ദോഹ പോർട്ട് ആതിഥേയത്വം വഹിക്കും. പോർട്ട് ഡിസ്ട്രിക്റ്റിന്റെ വടക്ക് ഭാഗത്തുള്ള ഇവൻ്റ് ഏരിയയിലാണ് ഈ സംഭവം നടക്കുന്നത്.
റമദാനിലെ പ്രശസ്തമായ കുടുംബ പരിപാടിയായ ഗരങ്കാവോ നൈറ്റും പോർട്ടിൽ നടക്കും.
സന്ദർശകർക്ക് ഇഫ്താറിനോ സുഹൂറിനോ ഒരു സ്‌പെഷ്യൽ “ഡിന്നർ ഇൻ ദി സ്‌കൈ” അനുഭവം ആസ്വദിക്കാം. ഇതിലൂടെ ദോഹ സ്കൈലൈനിൻ്റെ മനോഹരമായ കാഴ്ച്ചകൾ ആസ്വദിച്ച് ഭൂമിയിൽ നിന്ന് 50 മീറ്റർ ഉയരത്തിൽ ഭക്ഷണം കഴിക്കാം.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
-
-
-
-
