പിനാർ ചീസിനെക്കുറിച്ച് പ്രചരിക്കുന്ന വാർത്തകളിൽ സത്യമില്ല, ഉൽപ്പന്നം ഭക്ഷ്യയോഗ്യമെന്ന് മന്ത്രാലയം

പിനാർ ബ്രാൻഡ് ചീസ് (നിർമിച്ച തീയതി-17/11/2024, കാലഹരണപ്പെടുന്ന തീയതി-16/05/2025) ഇ-കോളി ബാധിച്ചെന്ന സോഷ്യൽ മീഡിയയിലൂടെ പ്രചരിക്കുന്ന വാർത്തകളിൽ യാതൊരു സത്യവുമില്ലെന്ന് മുനിസിപ്പാലിറ്റി മന്ത്രാലയം വ്യക്തമാക്കി. അവർ സാമ്പിളുകളിൽ പരിശോധന നടത്തി ഉൽപ്പന്നം സുരക്ഷിതമാണെന്ന് സ്ഥിരീകരിച്ചു.

ഖത്തർ ഏറ്റവും ഉയർന്ന ഭക്ഷ്യ സുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് മന്ത്രാലയം ഊന്നിപ്പറഞ്ഞു. എല്ലാ ഭക്ഷ്യ ഉൽപന്നങ്ങളും കർശനമായ ആരോഗ്യ പരിശോധനകളിലൂടെ കടന്നുപോകുന്നു, രാജ്യത്തുടനീളമുള്ള ഭക്ഷണ സൗകര്യങ്ങളിൽ സ്ഥിരമായി പരിശോധനകൾ നടത്തുന്നുണ്ട്.

തെറ്റായ വിവരങ്ങൾ പ്രചരിപ്പിക്കരുതെന്നും വാർത്തകൾക്കും അപ്‌ഡേറ്റുകൾക്കുമായി ഔദ്യോഗിക സ്രോതസ്സുകളെ മാത്രം ആശ്രയിക്കാനും അവർ ജനങ്ങളെ ഉപദേശിച്ചു.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx