സാദ് അൽ-ബലാ നക്ഷത്രമുദിച്ചു, ഖത്തറിൽ ശൈത്യകാലത്തിന്റെ അവസാന നാളുകൾക്ക് തുടക്കമാകുന്നു

ശൈത്യകാലത്തിന്റെ അവസാനവും “ബാർഡ് അൽ-അജൂസ്‌” അവസാന നാളുകളുടെ തുടക്കവും അടയാളപ്പെടുത്തുന്ന ജ്യോതിശാസ്ത്ര നക്ഷത്രം ‘സാദ് അൽ-ബലാ’ (എപ്‌സിലോൺ അക്വാറി) ഇന്നലെ രാത്രി ദൃശ്യമായി. വസന്തകാലത്തിന്റെ ചൂടിലേക്ക് പോകുന്നതിന്റെ തുടക്കമാണെങ്കിലും തീവ്രമായ തണുത്ത കാലാവസ്ഥയ്ക്ക് പേരുകേട്ട ഒരു കാലഘട്ടമാണിത്.

ഖത്തർ സിവിൽ ഏവിയേഷൻ അതോറിറ്റിയും ഖത്തർ കാലാവസ്ഥാ വകുപ്പും പറയുന്നതനുസരിച്ച്, ശൈത്യകാലത്തെ അവസാനത്തെ പ്രധാന നക്ഷത്രങ്ങളിലൊന്നാണ് സാദ് അൽ ബലാ. സീസൺ മാറുന്ന സമയത്ത് പ്രത്യക്ഷപ്പെടുന്ന ഇത് പതിമൂന്നു ദിവസത്തോളം നിലനിൽക്കാറുണ്ട്. ഈ സമയത്ത്, കാലാവസ്ഥ പെട്ടെന്ന് തണുക്കുന്നു, പലപ്പോഴും ശക്തമായ കാറ്റും നേരിയ മഴയ്ക്കും സാധ്യതയുണ്ട്.

രാത്രി ആകാശത്തേക്ക് നോക്കിയാൽ ഈ നക്ഷത്രം കാണാൻ കഴിയും. ഖത്തറി, അറബ് ജ്യോതിശാസ്ത്ര കലണ്ടറിലെ സുപ്രധാന സംഭവമാണിത്.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx