നവംബർ 29 മുതൽ ഡിസംബർ 1 വരെ നടക്കുന്ന ഫോർമുല 1 ഖത്തർ എയർവേയ്‌സ് ഗ്രാൻഡ് പ്രിക്‌സിന് ആതിഥേയത്വം വഹിക്കാൻ ലുസൈൽ ഇൻ്റർനാഷണൽ സർക്യൂട്ട് തയ്യാറെടുക്കുന്നു. ആരാധകരുടെ അനുഭവം മെച്ചപ്പെടുത്തുന്നതിനായി അവർ ലുസൈൽ ഹസം ലോഞ്ച് എന്ന പുതിയ ഫീച്ചർ അവതരിപ്പിച്ചു.
ലുസൈൽ ഹസം ലോഞ്ച് കഴിഞ്ഞ വർഷം അവതരിപ്പിച്ച ലുസൈൽ ഹിൽസിൽ നിന്ന് പ്രചോദനം ഉൾക്കൊണ്ടതാണ്. ജനറൽ അഡ്‌മിഷൻ ടിക്കറ്റുകളുള്ള ആരാധകർക്ക് ഇപ്പോഴും ലുസൈൽ ഹിൽസിലേക്കു പ്രവേശിക്കാൻ കഴിയും. എന്നാൽ ഗ്രാൻഡ് പ്രിക്‌സിന്റെ ഏറ്റവും മികച്ച അനുഭവം ആഗ്രഹിക്കുന്നുണ്ടെങ്കിൽ അതിനു ലുസൈൽ ഹസം ലോഞ്ചാണ് തിരഞ്ഞെടുക്കേണ്ടത്.
ലുസൈൽ ഹസം ലോഞ്ചിന് സർക്യൂട്ടിന്റെ 1, 2 ടേണുകളുടെ മികച്ച കാഴ്‌ചകൾ നൽകുന്ന മൾട്ടി ലെവൽ ടെറസുണ്ട്. അതിഥികൾക്ക് സ്പ്രിൻ്റ് റേസ്, ഫോർമുല 2, എഫ്1 അക്കാദമി, ഫോർമുല 1 എന്നിവയുൾപ്പെടെ വിവിധ മത്സരങ്ങൾ കാണുകയും ദിവസം മുഴുവൻ നല്ല ഭക്ഷണം ആസ്വദിക്കുകയും ചെയ്യാം.
ലുസൈൽ ഹസം ലോഞ്ചിനൊപ്പം, എല്ലാവർക്കും മികച്ച അനുഭവം ഉറപ്പാക്കാൻ സർക്യൂട്ട് മറ്റ് മികച്ച ഹോസ്‌പിറ്റാലിറ്റി ഓപ്ഷനുകളും വാഗ്‌ദാനം ചെയ്യുന്നു.
