ഹമദ് എയർപോർട്ടിൽ യാത്രക്കാരന്റെ ലഗേജിനുള്ളിൽ മയക്കുമരുന്ന് ശേഖരം കണ്ടെത്തി

ദോഹ: രാജ്യത്തേക്ക് മയക്കുമരുന്ന് കടത്താനുള്ള ശ്രമം ഹമദ് ഇന്റർനാഷണൽ എയർപോർട്ട് കസ്റ്റംസ് തകർത്തു.

ഒരു യാത്രക്കാരൻ തന്റെ ലഗേജ് കൊണ്ടുവരാൻ ശ്രമിക്കുന്നതിനിടെ ഒരു ഇൻസ്പെക്ടർ ബാഗ് തുറന്നപ്പോളാണ് വൻ മയക്കുമരുന്ന് ശേഖരം കണ്ടെത്തിയത്. 2750 ഗ്രാം ഭാരമുള്ള ഷാബോ നിറച്ച ഒരു കൂട്ടം ടവലുകളും 5000 ഗ്രാം ഭാരമുള്ള ഒരു കൂട്ടം പൊതിഞ്ഞ കഷണങ്ങളും 331.1 ഗ്രാം ഹാഷിഷും പിടികൂടി.

വിമാനത്താവളത്തിൽ പിടികൂടിയതിന് പിന്നാലെ യാത്രക്കാരനെതിരെ നിയമനടപടികൾ സ്വീകരിച്ചു.

ഖത്തർ എയർപോർട്ടുകളിൽ അടുത്തിടെ നിരവധി മയക്കുമരുന്ന് വേട്ട വർധിച്ചതോടെ, കസ്റ്റംസ് ഇൻസ്പെക്ടർമാർ ഏറ്റവും പുതിയ സാങ്കേതികവിദ്യയിലും രീതികളിലും ഫീൽഡ് പരിശീലനം ഉൾപ്പെടെ തീവ്രമാക്കിയിട്ടുണ്ട്.