അൽ മക്തൂം ഇൻ്റർനാഷണൽ എയർപോർട്ടിൽ ഒരു പുതിയ ടെർമിനലിൻ്റെ നിർമ്മാണ ജോലികൾ ആരംഭിച്ചതായി ദുബായ് ഞായറാഴ്ച പ്രഖ്യാപിച്ചു. ഏകദേശം 35 ബില്യൺ ഡോളർ ചെലവിൽ “ലോകത്തിലെ ഏറ്റവും വലിയ” എയർപോർട്ട് ടെർമിനലായി ഇത് മാറുമെന്ന് ഗൾഫ് എമിറേറ്റ് ഭരണാധികാരി പറഞ്ഞു.
“അൽ മക്തൂം ഇൻ്റർനാഷണൽ എയർപോർട്ടിലെ പുതിയ പാസഞ്ചർ ടെർമിനലിനുള്ള ഡിസൈനുകൾക്ക് ഞങ്ങൾ അംഗീകാരം നൽകി. കൂടാതെ 128 ബില്യൺ ദിർഹം (34.85 ബില്യൺ ഡോളർ) ചെലവിൽ കെട്ടിടത്തിൻ്റെ നിർമ്മാണവും ആരംഭിക്കുന്നു,” യുഎഇ പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം എക്‌സിൽ പറഞ്ഞു.
പൂർണ്ണമായി പ്രവർത്തനക്ഷമമായാൽ, വിമാനത്താവളം പ്രതിവർഷം 260 ദശലക്ഷം യാത്രക്കാരുടെ ശേഷി കൈകാര്യം ചെയ്യും. “ലോകത്തിലെ ഏറ്റവും വലിയ കപ്പാസിറ്റി”യും ലോകത്തിലെ ഏറ്റവും തിരക്കേറിയ എയർ ഹബ്ബുകളിലൊന്നായ “നിലവിലെ ദുബായ് അന്താരാഷ്ട്ര വിമാനത്താവളത്തിൻ്റെ അഞ്ചിരട്ടി വലിപ്പവും” ഇതിന് ഉണ്ടായിരിക്കുമെന്നും ഷെയ്ഖ് മുഹമ്മദ് പറഞ്ഞു.
ദുബായ് സിവിൽ ഏവിയേഷൻ അതോറിറ്റിയുടെ പ്രസിഡൻ്റും ഫ്ലാഗ് കാരിയർ എമിറേറ്റ്സിൻ്റെ സിഇഒയുമായ ഷെയ്ഖ് അഹമ്മദ് ബിൻ സയീദ് അൽ മക്തൂം പറയുന്നതനുസരിച്ച്, “പ്രതിവർഷം 150 ദശലക്ഷം യാത്രക്കാരെ ഉൾക്കൊള്ളാൻ ശേഷിയുള്ള പദ്ധതിയുടെ ആദ്യ ഘട്ടം 10 വർഷത്തിനുള്ളിൽ തയ്യാറാകും.”
നഗരത്തിൻ്റെ പ്രാന്തപ്രദേശത്ത് നിർമ്മിച്ച അൽ മക്തൂം വിമാനത്താവളത്തിന് 2010 മുതൽ ഗൾഫ് ഫിനാൻഷ്യൽ ഹബ്ബിൻ്റെ എയർ ട്രാഫിക്കിൽ താരതമ്യേന ചെറിയ പങ്ക് മാത്രമേ ലഭിച്ചിട്ടുള്ളൂ.
പ്രതിവർഷം 120 ദശലക്ഷത്തോളം യാത്രക്കാരെ ഉൾക്കൊള്ളാൻ ശേഷിയുള്ള ദുബായ് ഇൻ്റർനാഷണൽ എയർപോർട്ടിന്റെ നിലവിലെ ലോക്കേഷൻ എയർപോർട്ടിന്റെ വികാസത്തിന് പരിമിതി കല്പിക്കുന്നതിനാൽ പകരം ഇത് ഉയർന്നു വരുമെന്ന് അധികാരികൾ പ്രതീക്ഷിക്കുന്നു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
