റേസിംഗ് വിഡിയോ വൈറൽ, ഡ്രൈവർമാർക്ക് ഖത്തർ ട്രാഫിക്കിന്റെ പിടി വീണു

ഖത്തറിൽ കാറുകൾ ഉപയോഗിച്ച് റേസിംഗ് നടത്തിയ ഡ്രൈവർമാർക്കെതിരെ നടപടി സ്വീകരിച്ചതായി ജനറൽ ഡയറക്ടറേറ്റ് ഓഫ് ട്രാഫിക്ക് അറിയിച്ചു. സോഷ്യൽ മീഡിയയിൽ വ്യാപകമായി പ്രചരിക്കപ്പെട്ട റേസിംഗ് വിഡിയോ ശ്രദ്ധയിൽപ്പെട്ടതിനെ തുടർന്നാണ് നടപടി. 

2 വാഹനങ്ങളും പിടിച്ചെടുക്കുകയും ഡ്രൈവർമാർക്കെതിരെ നിയമനടപടി സ്വീകരിക്കുകയും ചെയ്തു. ലാൻഡ് ക്രൂയിസർ, നിസ്സാൻ പട്രോൾ എന്നീ പിടിച്ചെടുക്കപ്പെട്ട വാഹനങ്ങളുടെ ചിത്രങ്ങളും അധികൃതർ ട്വിറ്ററിൽ നൽകിയിട്ടുണ്ട്. വാഹനമോടിക്കുന്നവരെയും കാൽനട യാത്രക്കാരെയും സംരക്ഷിക്കുന്നതിനായി ട്രാഫിക് നിയമങ്ങൾ പാലിക്കണമെന്നു ട്രാഫിക് വകുപ്പ് മുന്നറിയിപ്പ് ആവർത്തിച്ചു.