ദോഹ: ഖത്തറിൽ രണ്ട് വ്യത്യസ്ത അപകടങ്ങളിലായി 4 സ്വദേശി യുവാക്കൾ മരണപ്പെട്ടു. വെള്ളിയാഴ്ച പുലർച്ചയോടെയായിരുന്നു അപകടങ്ങൾ. റൗദത്ത് റാഷെഡ് ഏരിയയിലും അൽ ഷമാൽ റോഡിലുമാണ് അപകടമുണ്ടായത്.
റൗദത്ത് റാഷിദിൽ 5 ഖത്തരി യുവാക്കൾ സഞ്ചരിച്ച കാർ നിയന്ത്രണം വിട്ട് മറിയുകയായിരുന്നു. ഇതില്‍ മൂന്ന് പേർ മരിക്കുകയും രണ്ട് പേർക്ക് ഗുരുതരമായി പരിക്കേൽക്കുകയും ചെയ്തു. അമിത വേഗതയാണ് അപകട കാരണം.
ഷമാൽ നോർത്ത് റോഡിൽ രണ്ടു കാറുകൾ കൂട്ടിയിടിച്ചാണ് ഒരു ഖത്തറി യുവാവ് മരണപ്പെട്ടത്.
ചെറുപ്പക്കാർ അശ്രദ്ധമായി വാഹനമോടിക്കുന്നതിനെതിരെ രക്ഷിതാക്കൾ മുന്നറിയിപ്പ് നൽകണമെന്നും ഗതാഗത നിയമങ്ങൾ പാലിക്കണമെന്നും മന്ത്രാലയം അറിയിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇 https://chat.whatsapp.com/KUkVGQZAiWk2eZ4uRV9HKu
