ഏഷ്യൻകപ്പ് ഫുട്‌ബോൾ: ആദ്യ ബാച്ച് ടിക്കറ്റുകൾ വിറ്റുതീർന്നു

വരാനിരിക്കുന്ന AFC ഏഷ്യൻ കപ്പ് 2023 ഖത്തറിനായി 150,000 ടിക്കറ്റുകൾ വിറ്റു. ലോക്കൽ ഓർഗനൈസിംഗ് കമ്മിറ്റി പുറത്തിറക്കിയ ആദ്യ ബാച്ച് ടിക്കറ്റുകൾ മുഴുവനായും വിറ്റുപോയി. കൂടുതൽ ടിക്കറ്റുകൾ സമീപഭാവിയിൽ റിലീസ് ചെയ്യും.

2023 ഒക്ടോബർ 10-ന് ടിക്കറ്റ് വിൽപ്പന ആരംഭിച്ചതായി ടൂർണമെന്റ് സംഘാടകർ പ്രഖ്യാപിച്ചതിന്റെ ആദ്യ 24 മണിക്കൂറിനുള്ളിൽ മൊത്തം 81,209 ടിക്കറ്റുകൾ വിറ്റു.

ഖത്തർ, സൗദി അറേബ്യ, ഇന്ത്യ എന്നിവിടങ്ങളിൽ നിന്നുള്ള ടിക്കറ്റ് വിൽപ്പനയാണ് ആഗോളതലത്തിൽ മുന്നിൽ.

2024 ജനുവരി 12 നും ഫെബ്രുവരി 10 നും ഇടയിൽ ഖത്തറിലെ ഒമ്പത് സ്റ്റേഡിയങ്ങളിലായി ഭൂഖണ്ഡത്തിലെ ഏറ്റവും വലിയ ഫുട്ബോൾ മത്സരത്തിനായി ഏഷ്യയിലെമ്പാടുമുള്ള 24 ടീമുകൾ മത്സരിക്കും. ഒരു മാസത്തിനുള്ളിൽ മൊത്തം 51 മത്സരങ്ങൾ കളിക്കും. 1988 ലും 2011 ലും ഏഷ്യൻകപ്പ് വിജയകരമായി സംഘടിപ്പിച്ച ഖത്തർ ഇത് മൂന്നാം തവണയാണ് ടൂർണമെന്റിന് വേദിയാവുന്നത്.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv