ലോകമെമ്പാടുമുള്ള 1.4 ദശലക്ഷത്തിലധികം ആരാധകരാണ് 2022 ഫിഫ ലോകകപ്പിനായി ഖത്തർ സന്ദർശിച്ചത്. ഇന്നലെ വൈകുന്നേരം ലുസൈൽ സ്റ്റേഡിയത്തിൽ അർജന്റീനയും ഫ്രാൻസും തമ്മിൽ നടന്ന ഫൈനലോടെ ആകെ ടൂർണമെന്റ് കാണികൾ 3.4 ദശലക്ഷത്തിൽ എത്തി, അതായത് ഒരു മത്സരത്തിന് ശരാശരി 53,000 കാണികൾ. ഇത് മൊത്തത്തിലുള്ള ശേഷി 96% മാണ്.
ഖത്തറിലെ ഇവന്റിന്റെ കോം‌പാക്റ്റ് സ്വഭാവം ആരാധകർക്ക് തുണയായി, പ്രതിദിനം ഒന്നിലധികം മത്സരങ്ങളിൽ ആയിരക്കണക്കിന് ആളുകൾക്ക് പങ്കെടുക്കാനായി – ടൂർണമെന്റിന്റെ ആധുനിക ചരിത്രത്തിൽ ഇത് ആദ്യമായിട്ടാണ്.
മത്സരങ്ങൾക്കിടയിൽ, ഫിഫ ഫാൻ ഫെസ്റ്റിവൽ, കോർണിഷ് ആക്ടിവേഷൻ തുടങ്ങി നിരവധി വിനോദ പരിപാടികളിൽ പങ്കെടുത്തതും ദശ ലക്ഷക്കണക്കിന് പേരാണ്. ലോകമെമ്പാടുമുള്ള ഏകദേശം 2 ദശലക്ഷം ആരാധകർ ദോഹയിൽ നടക്കുന്ന ഫിഫ ഫാൻ ഫെസ്റ്റിവലിൽ പങ്കെടുത്തു.
ടൂർണമെന്റിലുടനീളം ദിവസവും 530,000-ത്തിലധികം ആളുകൾ വിനോദ പരിപാടികളിൽ പങ്കെടുത്തു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/C5SlZkH4ATOIBY0CThW5zB
-
-
-
-
