ഖത്തറിലെ ധനകാര്യസ്ഥാപനങ്ങൾ തുടർച്ചയായി നാല് ദിവസം പ്രവർത്തിക്കില്ല

2025 ജനുവരി 1 ബുധനാഴ്‌ചയും 2025 ജനുവരി 2 വ്യാഴാഴ്‌ചയും രാജ്യത്തെ ധനകാര്യ സ്ഥാപനങ്ങൾക്ക് ഔദ്യോഗിക അവധിയായിരിക്കുമെന്ന് ഖത്തർ സെൻട്രൽ ബാങ്ക് അറിയിച്ചു.

ഔദ്യോഗിക അവധി ദിനങ്ങളെയും അതിൻ്റെ അപ്‌ഡേറ്റുകളെയും കുറിച്ചുള്ള മന്ത്രിമാരുടെ കൗൺസിൽ തീരുമാനത്തെ പരാമർശിച്ചുകൊണ്ട് ഈ അറിയിപ്പ് സെൻട്രൽ ബാങ്കിൻ്റെ സോഷ്യൽ മീഡിയയിൽ പങ്കിട്ടു. വർഷാവസാന സമാപനത്തിന്റെ ഭാഗമായാണ് അവധി.

വെള്ളി, ശനി ദിവസങ്ങളിലെ അവധിക്ക് ശേഷം ധനകാര്യ സ്ഥാപനങ്ങൾ 2025 ജനുവരി 5 ഞായറാഴ്ച്ച വീണ്ടും തുറന്ന് പ്രവർത്തനം പുനരാരംഭിക്കും.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/G86AqcQXEij7Ed3MEgfRmp