ഖത്തറിൽ ജനന രജിസ്‌ട്രേഷൻ, ജനന സർട്ടിഫിക്കറ്റ് അപേക്ഷ: കേന്ദ്രങ്ങളും പുതുക്കിയ സമയക്രമവും ഇതാണ്.

ദോഹ: രാജ്യത്ത് ജനന റെജിസ്ട്രേഷൻ ഫോമുകളും, ജനന സർട്ടിഫിക്കറ്റ് അപേക്ഷകളും സ്വീകരിക്കുന്ന സമയം പൊതുജനാരോഗ്യ മന്ത്രാലയം പുനഃക്രമീകരിച്ചു. 

വുമണ്സ് വെൽനസ് ആന്റ് റിസർച്ച് സെന്റർ- അൽ ഖോർ, അൽ വക്ര, അൽ അഹ്‌ലി, ദോഹ ക്ലിനിക്ക്, അൽ ഇമാദി, സിദ്ര മെഡിസിൻ എന്നീ ഹോസ്പിറ്റൽ കേന്ദ്രങ്ങളിൽ രാവിലെ 7:30 മുതൽ ഉച്ചയ്ക്ക് 12:30 വരെ അപേക്ഷകൾ സ്വീകരിക്കും.

വുമണ്സ് വെൽനസ് ആന്റ് റിസർച്ച് സെന്റർ, സിദ്ര മെഡിസിൻ, അൽ അഹ്‌ലി ഹോസ്പിറ്റൽ എന്നിവിടങ്ങളിൽ ഉച്ചക്ക് 1:30 മുതൽ വൈകിട്ട് 6:30 വരെയും അപേക്ഷാകേന്ദ്രങ്ങൾ പ്രവർത്തിക്കും. 

ഖത്തറിലെ താമസക്കാരായ വിദേശികൾക്ക് കുഞ്ഞിന്റെ ജനന സർട്ടിഫിക്കറ്റിന് അപേക്ഷിക്കാനായി ഹാജരാക്കേണ്ട രേഖകൾ ഇവയാണ്: മാതാവിന്റെയും പിതാവിന്റെയും പാസ്‌പോർട്ടിന്റെ ഒറിജിനലും പകർപ്പും, ഇരുവരുടെയും എൻട്രി വിസയോ റെസിഡൻസ് പെർമിറ്റോ, സർട്ടിഫിക്കറ്റ് ഉടമയായ കുട്ടിയുടെ പാസ്പോർട്ടിന്റെയും ഐഡിയുടെയും ഒറിജിനലും പകർപ്പും, റെപ്രസെന്റീവിന്റെ ഓതറൈസേഷൻ ലെറ്ററും ഐഡി യും. മാതാപിതാക്കളിൽ ആരെങ്കിലും മരണപ്പെട്ടത് ആണെങ്കിൽ മരണ സർട്ടിഫിക്കറ്റിന്റെ കോപ്പി.