സൗദി അറേബ്യയിലെ തങ്ങളുടെ സർവീസുകൾ വിപുലീകരിച്ചതായി ഖത്തർ എയർവേയ്സ് അറിയിച്ചു. 2025 ജനുവരി 2 മുതൽ അബഹ ഇൻ്റർനാഷണൽ എയർപോർട്ടിലേക്ക് ആഴ്ചയിൽ രണ്ട് വിമാനങ്ങൾ സർവീസ് ആരംഭിക്കും. കൂടാതെ, NEOM ലേക്കുള്ള ഫ്ലൈറ്റുകൾ ശൈത്യകാലത്ത് ആഴ്ചയിൽ രണ്ടിൽ നിന്ന് നാലായി ഉയർത്തുകയും ചെയ്യും.
അതിമനോഹരമായ പ്രകൃതിദൃശ്യങ്ങൾക്കും സമ്പന്നമായ സാംസ്കാരിക പൈതൃകത്തിനും പേരുകേട്ട അഭ, ഖത്തർ എയർവേയ്‌സിൻ്റെ സൗദി അറേബ്യയിലെ 11-ാമത്തെ ലക്ഷ്യസ്ഥാനത്തെ അടയാളപ്പെടുത്തുന്നു. നിയോമും സൗദിയുടെ പ്രകൃതി സമ്പന്നത തേടുന്ന യാത്രക്കാരുടെ പ്രിയസ്ഥലമാണ്.
അൽഉല, ദമ്മാം, ജിദ്ദ, മദീന, NEOM, ഖാസിം, റിയാദ്, തബൂക്ക്, തായിഫ്, യാൻബു തുടങ്ങിയ നഗരങ്ങളിലേക്ക് നിലവിലുള്ള സർവീസുകൾ ഉൾപ്പെടെ കിംഗ്ഡത്തിലേക്ക് 140-ലധികം പ്രതിവാര ഫ്ലൈറ്റുകൾ ആണ് ഇപ്പോഴുള്ളത്.
ഈ ഷെഡ്യൂളും നെറ്റ്‌വർക്ക് മെച്ചപ്പെടുത്തലും യാത്രക്കാർക്ക് കൂടുതൽ യാത്രാ തിരഞ്ഞെടുപ്പുകൾ നൽകും. ദോഹയിലെ ഹമദ് ഇൻ്റർനാഷണൽ എയർപോർട്ട് വഴി 170-ലധികം ആഗോള ലക്ഷ്യസ്ഥാനങ്ങൾ ആണ് ഖത്തർ എയർവേയ്സിനുള്ളത്.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/G86AqcQXEij7Ed3MEgfRmp
-
-
-
-
