ലോക നഗരങ്ങളിലെ മികച്ച രുചികൾ ലിസ്റ്റ് ചെയ്യുന്ന ഫ്രാൻസിലെ പ്രശസ്തമായ മിഷെലിൻ ഗൈഡ് ഖത്തറിലെ ദോഹയിലേക്ക് തങ്ങളുടെ പ്രശസ്തമായ പാചക അവലോകനങ്ങൾ വിപുലീകരിക്കുന്നതായി ഇന്നലെ പ്രഖ്യാപിച്ചു.
നഗരത്തിലെ ഏറ്റവും മികച്ച ഡൈനിംഗ് വേദികൾ തിരഞ്ഞെടുക്കുന്നതിനുള്ള തയ്യാറെടുപ്പിനായി ഗൈഡിന്റെ സ്വതന്ത്രരും, അജ്ഞാതരുമായ ഇൻസ്പെക്ടർമാർ ദോഹയിൽ സമഗ്രമായി പര്യവേക്ഷണം നടത്തുന്നുണ്ടെന്ന് അധികൃതർ വെളിപ്പെടുത്തി.
ഗൈഡിന്റെ തിരഞ്ഞെടുക്കൽ പ്രക്രിയ ദോഹയിലെ ഏറ്റവും മികച്ച ഡൈനിംഗ് രംഗം പ്രദർശിപ്പിക്കുകയും, അഭിനിവേശം, സർഗ്ഗാത്മകത, പ്രാദേശിക പാചക പാരമ്പര്യങ്ങളോടുള്ള ആദരവ് എന്നിവ ഉൾക്കൊണ്ടുകൊണ്ട് അതിലെ കഴിവുറ്റ ഷെഫുകളെയും ടീമുകളെയും ലോകശ്രദ്ധയിൽപ്പെടുത്തുകയും ചെയ്യും.
“കഴിഞ്ഞ കുറച്ച് വർഷങ്ങളായി, ഞങ്ങളുടെ മിഷെലിൻ ഇൻസ്പെക്ടർമാർ ദോഹയുടെ പാചക ലോകം നിരീക്ഷിച്ചുവരികയും ഈ വേഗതയേറിയ നഗരം വാഗ്ദാനം ചെയ്യുന്ന അതിശയകരമായ വൈവിധ്യം ആസ്വദിക്കുകയും ചെയ്യുന്നു,” മിഷെലിൻ ഗൈഡ്‌സിൻ്റെ ഇൻ്റർനാഷണൽ ഡയറക്ടർ ഗ്വെൻഡൽ പൗലെനെക് പറഞ്ഞു.
മിഷെലിന്റെ അജ്ഞാതരായ ഇൻസ്പെക്ടർമാർ ഖത്തറിലെ നീല- ജലാശയങ്ങൾ, അതിശയകരമായ കടൽ ശിൽപങ്ങൾ, അറേബ്യൻ പെനിൻസുലയിലെ സൂര്യാസ്തമയങ്ങൾ എന്നിവയിൽ ആകൃഷ്ടരായി, തലസ്ഥാനത്തിൻ്റെ ആഗോള സ്പെക്ട്രവും ആതിഥ്യ സേവനവും ആസ്വദിക്കുന്നതായും അദ്ദേഹം വെളിപ്പെടുത്തി.
MICHELIN Guide Doha 2025-ൻ്റെ മുഴുവൻ റെസ്റ്റോറൻ്റ് സെലക്ഷനും 2024-ൻ്റെ അവസാന പാദത്തിൽ നടക്കുന്ന ഒരു പ്രത്യേക പരിപാടിയിൽ അനാച്ഛാദനം ചെയ്യും. ഗൈഡിൻ്റെ എല്ലാ ഇൻ്റർഫേസുകളിലും (വെബ്‌സൈറ്റ്, മൊബൈൽ ആപ്ലിക്കേഷനുകൾ, സോഷ്യൽ നെറ്റ്‌വർക്കുകൾ) ഡിജിറ്റൽ ഫോർമാറ്റിൽ മാത്രമായി ലഭ്യമാകും.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
