2022ലെ ബെസ്റ്റ് ഫിഫ അവാർഡിൽ അർജന്റീന ക്യാപ്റ്റനും പാരീസ് സെന്റ് ജെർമെയ്ൻ ഫോർവേഡുമായ ലയണൽ മെസ്സി കഴിഞ്ഞ വർഷത്തെ മികച്ച കളിക്കാരനായി തിരഞ്ഞെടുക്കപ്പെട്ടു.
PSG ടീമിലെ സഹതാരം കൈലിയൻ എംബാപ്പെയെയും 2022 ലെ യുവേഫ ചാമ്പ്യൻസ് ലീഗ് ജേതാവ് കരീം ബെൻസെമയെയും പിന്തള്ളിയാണ് മെസ്സിയുടെ അവാർഡ് നേട്ടം. ഏഴ് തവണ ബാലൺ ഡി ഓർ ജേതാവായ മെസ്സിക്ക് 2022 ഖത്തർ ലോകകപ്പിലെ മിന്നുന്ന പ്രകടനവും കപ്പ് നേട്ടവും അവാർഡ് വിജയത്തിലേക്കുള്ള വഴിയൊരുക്കി.
ഇതോടെ 35 കാരനായ മുൻ ബാഴ്‌സലോണ ക്യാപ്റ്റൻ ക്രിസ്റ്റ്യാനോ റൊണാൾഡോയ്ക്കും എഫ്‌സി ബാഴ്‌സലോണ സ്‌ട്രൈക്കർ റോബർട്ട് ലെവൻഡോവ്‌സ്‌കിക്കുമൊപ്പം ഏറ്റവുമധികം അവാർഡ് നേടിയവരൊപ്പമെത്തി.
അർജന്റീന ദേശീയ ടീം കോച്ച് ലയണൽ സ്‌കലോനി കഴിഞ്ഞ വർഷത്തെ മികച്ച പരിശീലകനായി തിരഞ്ഞെടുക്കപ്പെട്ടു. ലോകകപ്പ് ജേതാവായ ഗോൾകീപ്പർ എമിലിയാനോ മാർട്ടിനെസ് യാസീൻ ബൗണുവിനെയും (സെവിയ്യയും മൊറോക്കോയും) തിബോട്ട് കോർട്ടോയിസിനെയും (റയൽ മാഡ്രിഡ്, ബെൽജിയം) തോൽപ്പിച്ച് മികച്ച ഗോൾകീപ്പർ എന്ന ബഹുമതിയും നേടി.
അതേസമയം, കഴിഞ്ഞ വർഷത്തെ ഏറ്റവും മികച്ച ഫുട്‌ബോൾ ഫാൻസ് ആയി തിരഞ്ഞെടുക്കപ്പെട്ടതും അർജന്റീനയാണ്. അർജന്റീനയിൽ നിന്നും അർജന്റീനയ്ക്ക് പിന്തുണയുമായും ആയിരക്കണക്കിന് ഫാൻസ് ഖത്തറിലേക്ക് ഒഴുകുകയും ലോകകപ്പ് നേട്ടത്തിന് ശേഷം രാജ്യത്തിലെ ഭൂരിഭാഗം പേരും മെസ്സിയെയും കൂട്ടരെയും വരവേൽക്കാൻ ബ്യുണസ് ഐറിസിൽ അണിനിരക്കുകയും ചെയ്തിരുന്നു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ
