പ്രാദേശികമായി നിർമിക്കുന്ന ഉൽപ്പന്നങ്ങൾ വിൽക്കുന്ന അഞ്ചു വിന്റർ മാർക്കറ്റുകൾ തുറന്നു

മുനിസിപ്പാലിറ്റി മന്ത്രാലയം, കാർഷിക കാര്യ വകുപ്പ് മുഖേന ഫ്രഷായ പച്ചക്കറികളും പഴങ്ങളും പ്രാദേശികമായി വളർത്തുന്ന മറ്റ് ഉൽപ്പന്നങ്ങളും വലിയ അളവിൽ വാങ്ങാൻ കഴിയുന്ന അഞ്ച് സീസണൽ മാർക്കറ്റുകൾ വീണ്ടും തുറന്നിട്ടുണ്ട്. ഈ മാർക്കറ്റുകൾ സന്ദർശിക്കാനും ഖത്തരി ഫാമുകളിൽ നിന്ന് നേരിട്ട് വാങ്ങാനും മന്ത്രാലയം പ്രോത്സാഹിപ്പിക്കുന്നു.

അൽ വക്ര, അൽ ഖോർ, അൽ ധാക്കിറ, അൽ ഷഹാനിയ, അൽ ഷമാൽ എന്നിവിടങ്ങളിലാണ് സീസണൽ മാർക്കറ്റുകൾ. ഈ മാർക്കറ്റുകൾ സാധാരണ മാർക്കറ്റ് വിലയേക്കാൾ കുറഞ്ഞ വിലയ്ക്ക് ഉൽപ്പന്നങ്ങൾ നൽകും. ശൈത്യകാലത്ത് എല്ലാ വാരാന്ത്യങ്ങളിലും (വ്യാഴം, വെള്ളി, ശനി) രാവിലെ 7 മണി മുതൽ 3 മണി വരെ മാർക്കറ്റുകൾ തുറന്നിരിക്കും.