അൽ ഷോല നക്ഷത്രത്തിന്റെ ആരംഭം, വർഷത്തിലെ ഏറ്റവും തണുപ്പുള്ള ദിവസങ്ങൾ പ്രതീക്ഷിക്കാമെന്ന് ക്യുഎംഡി

ഇന്നലെ രാത്രി മുതൽ അൽ ഷോല നക്ഷത്രത്തിൻ്റെ തുടക്കം കുറിക്കുന്നു. ഇത് മൂന്നാമത്തെ ശീതകാല നക്ഷത്രവും അൽ മ്രബാനിയ സീസണിലെ അവസാനത്തെ നക്ഷത്രവുമാണ്. ഈ നക്ഷത്രം 13 ദിവസത്തേക്ക് ദൃശ്യമാകും.

ഇക്കാലയളവിൽ ഈ സീസണിലെ ഏറ്റവും തണുപ്പുള്ള കാലാവസ്ഥയായിരിക്കുമെന്നും മൂടൽമഞ്ഞിന് സാധ്യതയുണ്ടെന്നും ഖത്തർ കാലാവസ്ഥാ വകുപ്പ് (ക്യുഎംഡി) അറിയിച്ചു. തേളിൻ്റെ വാൽ പോലെ തോന്നിക്കുന്നതിനാലാണ് അൽ ഷോല നക്ഷത്രത്തിന് ഈ പേര് ലഭിച്ചത്.

ക്യുഎംഡി അതിൻ്റെ പ്രതിദിന റിപ്പോർട്ടിൽ, കാലാവസ്ഥ മേഘാവൃതവും രാത്രിയിൽ തണുപ്പുമായിരിക്കുമെന്നും ചില പ്രദേശങ്ങളിൽ ഇടയ്ക്കിടെ ശക്തമായ കാറ്റും ഉണ്ടാകുമെന്ന് സൂചിപ്പിച്ചു. കടൽത്തീരത്ത്, കാലാവസ്ഥ ഭാഗികമായി മേഘാവൃതമായിരിക്കും, ചെറിയ രീതിയിൽ മഴയ്ക്ക് സാധ്യതയുണ്ട്. ശക്തമായ കാറ്റും ഉയർന്ന തിരമാലകളും ഉണ്ടാകും.

കാറ്റ് വടക്കുപടിഞ്ഞാറ് നിന്ന് 10-20 നോട്ട് വേഗതയിൽ ആകും, ചിലപ്പോൾ 25 നോട്ട് വരെ വേഗതയിലാകും. കടൽത്തീരത്ത്, കാറ്റ് വടക്കുപടിഞ്ഞാറൻ ദിശയിലായിരിക്കും, ഇത് 15-25 നോട്ട് മുതൽ ഇടയ്ക്കിടെ 32 നോട്ട് വരെ എത്താം.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/G86AqcQXEij7Ed3MEgfRmp